PhD Op. Dr. Toğrul Ömərov
Uşaq cərrahı

Günümüzdə artıq bəlkə də çox tez-tez eşitdiyimiz sözlərdən biri məhz laparoskopiyadır. Bu hər bir uşaq cərrahı tərəfindən tətbiq olunan üsuludur və açıq əməliyyatlara nisbətən daha qısamüddətli, az əməliyyat sahəsi tələb edən, qansız, kəsik aparılmadan, dəri səthində az travma törədən bir əməliyyat metodudur. Sağalma müddəti açıq əməliyyata nisbətən 4-5 dəfə qısadır. Kosmetik baxımdan dəridə böyük kəsik sahələri qalmır və çapıq toxuması cüzi olur. Əməliyyat sonrası fəsadları da olduqca azdır. Yara infeskiyasının əmələ gəlməsi, yırtıqların meydana çıxma riski olduqca azdır.

Cərrahiyyənin inkişafı demək olar ki, anesteziologiya ilə paralel şəkildədir. İnsanlar arasında “narkoz” kimi tanınan anesteziya bir çox valideynlərin qorxduğu bir nüansdir və uşaqlarını cərrahi əməliyyat etdirməkdən çəkinirlər. Bəs həqiqətən “narkoz” dediyimiz ümumi keyləşdirmə uşaqlar üçün ziyanlıdırmı?! Bu suala uşaq cərrahı olaraq birmənalı şəkildə cavab verə bilərəm ki, Xeyr. Əksinə elm yeni dərman maddələrinin əks göstəriş və təhlükəliliyi o qədər azalmışdır ki, artıq müasir uşaq cərrahları ürəklə ümumi keyləşdirmənin rahatlıqlarından əməliyyatlarında istifadə edə bilirlər.